عرض مشاركة واحدة
قديم 16-04-2007, 11:24 PM   #1
The Gladiator The Gladiator غير متصل
مشرف التطبيقات العامة
 
  المستوى : The Gladiator نشيط جداً The Gladiator نشيط جداً


افتراضي راحـــت حيـــاتي ..


مـــــــــــــــرحبا بكم جميعا ...
والسلام عليكم ورحمه الله وبركاته ..
راحــــت حيــاتي
( مريم وحيدة أمها وأبوها وعمرها 17 سنة بعدها تدرس في أحد مدارس بوظبي .. وهي بطلة قصتنا ماشاء الله عليها حلوة وحنطية وعيونها وساع وفي نفس الوقت نعاسات ورموشها طوال وشعرها طويل واسود .. بشوشة وحبوبة وخلوقة وماعليها قصور .. قريبه من أبوها أكثر عن أمها وماخذة من طبايع أبوها.. تحب اليولات والسيارات وكرة القدم وفريقها المفضل نادي العــــين ) حشا ولد هب بنت ) خخخخخ .. وبتعرفون عنها أكثــــــر واكثر من خلال القصــة (...نسيت اخبركم ان مريم كان لها اخو اكبر عنها اسمه محمــد مرض فجأة وتوفى الله يرحمه وكان عمره 5 سنوات ... )
( بخبركم العوايل الي بيكونون في القصة عسب ما اتوهق عقب وبخلي رقم عدال كل إسم وهالرقم يدل على عمر الشخص وهالشخص الي بذكر عمره هو الي بيكون له دور فالقصة سواء دور رئيسي او ثانوي وما بذكر إذا كان للمتزوجين عيال ولا لا بس للأشخاص الي لهم دور في القصة مثل ما قلت .. اوكيك )
( عائلة ناصر أكبر واحد من عيال سالم بن محمد : خالد – مهرة – ميثة – سلطان 25 – فهد 23 – ميرة 20– علي – منصور )
( عائلة فاطمة بنت سالم بن محمد : سعيد متزوج 33 – مطر متزوج 32 – عفراء متزوجة 28 – حمد 24 - هزاع 23 – آمنه 19 – عذبه 17 – عامر14 )
( عائلة عبيد بن سالم بن محمد : راشد – سلامة متزوجة 27 – خلف 24 – محمد 21 – شيخة 19 – مها 17 – عيسى )
( عائلة فلاح بن سالم بن محمد : عبدالله – سالم متزوج26 – علي 24 – فاطمة21 – علياء 19 – محمد – موزة )
( عائلة شمسة بنت سالم بن محمد : خليفة متزوج 29 وعنده سلطان 6 ومهرة 4– أحمد 28 متزوج وعنده شمة عمرها سنتين – راشد 25 – سهيل 23 – وديمة 19 – وضحه 16 – نورة – زايد )
( عائلة شيخة بنت سالم بن محمد : مسلم متزوج 26 – مبارك 23 – حمدة 21 – حارب 19 – شوق 16 – بدر )
( عائلة محمد بن سالم بن محمد : علي 22 – نوف 20 – عبدالله 18 – فاطمة 15 – أحمد )
( عائلة غانم بن سالم بن محمد : سيف 17 – شمة 16 – ناصر 13– الريم - محمد )
( عائلة موزة بنت سالم بن محمد : منصور 16 – حمدان 14 – سارة – ميرة ) (ساكنة في العين)
( عائلة سعيد بن سالم بن محمد : مريم 17 ( بطلة قصتنا )
( عائلة علي بن سالم بن محمد : حسن 6 – نورة 4 – ريم )
( عائلة عفرا بنت سالم بن محمد : زايد 5 – محمد ) (ساكنة في العين)
في بيت سالم ( يد مريم)
( سعيد ( بو مريم ) ومريم وأم مريم توهم واصلين بيت سالم وحدروا الصالة )
بو مريم : الســلام عليــكم ..
يد مريم ويدة مريم وميثة : وعليكم الســلام..
( ميثة عمة مريم الصغيرة عمرها 22 مالج عليها أحمد المحيربي وهله يعرفون قوم ميثة من زمان وعرسهم قريب انشاء الله )
يد مريم (سالم) : هلااااا بو عسكور ( ويتوايهون )
بو مريم : هلا بك زود شحالك ابوية؟
يد مريم : الحمد لله مانشكي باس .
بو مريم : يعله دوم ياربيه .
( ويسلم ع امه ويحب راسها)
بو مريم : هلا أمايه شحالج ؟
يدة مريم : بخير ربيه يسلمك من الشر .. انت شحالك ؟
بو مريم : بخير يعلنيه افداج .. شحالج ميثة؟
ميثة: الحمد لله ربيه يسلمك وانت شحالك ؟
بو مريم : انا بخير ونعمة الحمد لله ..
( ومن عقبه سلمت أم مريم على يدة مريم وسارت وسلمت ع ميثة وسلمت مريم ع يدها وميثة عمتها)
يد مريم : شحالج أم مريم ؟
أم مريم : هلا عمي .. بخير الحمد لله انت علومك ؟
يد مريم : الحمد لله مادام اني شفت مريم علوميه طيبه .
( مريم تحب يدها )
مريم : فديتك والله ..
يد مريم : وهب أي مريم بعد.. هذه بنت الغالي سعيــد ..
بو مريم : تسلم الغالي ... عيل وين عربان الدار ما اشوف حد هنيه ؟
يد مريم : يايين يايين في الدرب..
بو مريم : حشى الساعة 2 ونص الحينه ..
يدة مريم : شو بلاك يا سعيد مستعيل الحينه ان شاء الله بيوصلون ..
بو مريم : لا هب مستعيل يا أمايه بس لأنيه تحريت عمريه متأخر ..
مريم : عيل وين عميه غيث ؟
يدة مريم : راقد للحين هب طايع ينش .
مريم : انا بسير اوعيه .
( سارت مريم الحجرة عسب توعي عمها غيث عمره 24 أصغر واحد من عمامها يدرس آخر سنة فالكلية و يشتغل ..عنده فتك ((عوق مريم عاده لووول)) لونها فضي والعاكس فضي ومزودنها تيربو شكله حلو وأحلى شي فيه صووووته العذااب اااه مب دب بس جسمه حلو .. ودومه سوالف مع مريم وهي تعتبره شرات اخوها أكثر من إنه عمها.. يموت ع مريم وهي بعد تموت عليه ويوم تكون مظايجه او زعلانه يزعل ويظايج هو بعد ونفس الشي مع مريم تحبه وماترضى عليه بأي شر. ويوم يدري انها ميهودة ولا شي صايبنها ما يخليها روحها ، يتم معاها ويتم يظحكها ويسولف معاها عسب تنسى مرضها حليله والله .. بتعرفون عنه أكثر في القصة
( مريم دقت الباب بس محد فتح لها جان تبطله شوي شوي وتدخل )
مريم : ( بهدوء) غيث غيث ..
(وغيث ابدا مب متفيج يرد عليها )
مريم : يلا عاده نش الساعه 2 ونص الحينه .. غيـــييييــــــــث ..
غيث: ها ها شو تبين اذيتينا تراج .
مريم : اباك تنش لأن وراك عزيمة .
غيث : ادري انزين روحي عقب شوي بنش انا .
مريم : لا والله صدقت أنا !! عقب شوي بتنش أونك؟
غيث : مريوم بتفكينا ولا شو انتي ؟
مريم : اوكي اذا هالشي بيرحيك عيل بفكك من حشرتيه ..ها يزاي يايه اوعيك .
( وسارت مريم عنه وهي اونها زعلانه وتمشي شوي شوي لأنها تدري انه بيرد يزقرها )
غيث : مريووووم <<< يقولها متلوم
مريم : مـــاتـــت !
غيث: بسم بالله عليها يعل عدوها المووت.. عيدي رمستج مرة ثانيه وشوفي شو بيستوي بج .
مريم : شو تبا؟
غيث : مب انتي تبيني انش من الرقاد . خلاص نشيت.. بعد شو تبين ..؟
مريم : بعد ما زعلتنيه .؟
غيث : افا والله ماعاش الي يزعلج الريـــم يعلني أفدا هالبوز.
( ونش غيث من الرقاد ونزل يلس في الصاله معاهم )
( ويحدر ناصر خو سعيد مع حرمته وعياله سلموا على يدتهم وعقب ساروا الشباب الميالس .. وعلى الساعه 3 تقريبا وصلوا كل الأهل من عيال سالم وعيال عياله وعيالهم )
مريم : ميثوه .. ( عمتها )
ميثة : ها فديتج ؟
مريم : ها الشيخه متى العرس إن شاء الله . يلا ابا ربشه حشى من زمان ما ارتبشنا .. آخر عرس كان عرس عموه عفرا وهالكلام من قبل 4 سنوات .
ميثة : إن شاء الله قريب العرس يمكن يكون على اخر شهر 6.
مريم : الله وناسه يعني قريب ؟؟ تعالي زهبتي حق العرس ولا؟
ميثة : اكيــــــــد تزهبت .. من زمان بعد وقربت اخلص ههههه
مريم : يلا ان شاء الله تهنين وربيه يسعدج..
ميثة : تسلمين فديتج عقبالج عيوني
مريم: لا لاحقة انا هب الحينه هههههه
( يت يلست عندهم وضحه بنت شمسة و ربيعة مريم روح بالروح .. شكلها حلو لكن مريم احلى بيضة وعيونها سودة وقصيرة وضعيفة بس هب وايد وتشبه أحمد اخوها ..... وعقب تيمعن البنات كلهن )
وضحه : شعندكن تسولفن رواحكن ؟
مريم : وضااااااااحي يا الدبه ماشفتج انتي متى وصلتي ؟
وضحه : توني من قبل 10 دقايق .. سمحيلي ارتبشنا مع الاهل و ماشفتج ؟ ( ويتوايهون وتسلم ع خالتها ميثة )
مريم : بتباتين عندنا اليوم ..
وضحه: وين تبين أبات عندكم !
مريم : لا والله اليوم الأربعاء وباجر إجازة وعقبه بعد لين شهر 9 ولا ناسيه الأخت ان نحن ماخذين إجازة صيفيه ؟
وضحه : ويا راسج ادري انزين بس حرام يعني الواحد يتغلى؟ اقولج مريوم ذلي عمرج اكثر لين اوافق خخخخخخخخ
ميثة: هههههههههههههههههه الله يغربل بليسج يا وضاحي... أقوولج الشيخة انا بسير عنكم احسن لي ..
مريم : ويا راسج يلا عاده .
وضحه : انزين انزين خليني بخبر شيبتنا وعيوزنا وعقب برد عليج خبر .
مريم : الحينه .
وضحه : لا والله تبيني اسير عند الرياييل واقول حق ابويه الريم تباني ابات عندهم موافق ولا لا؟
مريم : هههههه اوكي يوم بيي يسلم ع يدوه خبريه .
وضحه : اوجيج .
مريم : وانتي فطيم ما بتين ؟
فاطمة بنت محمد : انا ما اظن امايه بتخليني ابات عندكم لأن ابويه بيرد من السفر باجر ..
مريم : اها اها ..
( الساعه 5ونص العصر المعازيم روحوا بيوتهم .. وحدروا الشباب الصالة عسب يسلمون ع يدتهم )
الشباب: السلام عليكم.
الكل: وعليكم السلام
( وسلمو الشباب ع يدتهم ( يدة مريم ) ) (وضحه تهمس لـ مريم )
وضحه : يالله يعلني افداه ؟!!
مريم : هههه منو ؟؟
وضحه : محمد بعد منو ؟
مريم : كم محمد عندنا ؟ واايد ما شاء الله .. في محمد ولد عميه عبيد و محمد ولد عميه فلاح و محمد ولد عميه غانم وولد عموه عفرا وولد الجيران وراعي الدكان ههههههههههه ... أي محمد فيهم ؟
وضحه: تستهبلين حضرتج ؟ ولد خالي عبيد بعد شو ..
مريم : ادريبه انزين .. ههههههههههههه .. انا بعد فديت علوه( ولد فلاح) خخخخ يعيبني الدب ..
وضحه : هههههههههههههههه .. صدقج والله حلو ماشاء الله عليه تف تف تف
مريم : ههههههههههههههههههههههههههه
سهيل : هلا والله بعيوزنا ( ويحب يدته ع راسها ) <<< ( سهيل ولد عمة مريم عنده ستيشن ليكزس 2006 يدرس فالكلية ثالث سنة ويشتغل الله يعينه الصراحه . بالنسبة لشكله فهو اسمر ومب طويل لكنه عريض وشعره نعيم .. ويوم يسير مرات يشل وضحه من المدرسة البنات يتخبلن عليه !!!)
يدة مريم : شحالك ولد بن جتب؟ ماتسأل عنا ولا اتخبر بس وقت العزايم اتينا . ما عليه ما عليه
سهيل : والله سميحلي الغاليه هالأيام انا وايد مشغول .
يدة مريم : امحق شغل ! مغازل البنات شاغلنك عن هلك ؟
سهيل : لا يدوه انا ماغازل بنات حرام عليج ..
يدة مريم : حرام عليه يامسود الويه .......... (وتمت تتهندق عليه )
سهيل يقطع رمسة يدته : لحظه يدوه خليني اسلم على الريم ... شحالج مريم ؟
مريم : بخير الحمد لله .. انت علومك ؟
سهيل : يسرج الحال ... شحالكم بنات ؟
البنات: بخير الحمد لله.
غيث : طاع ويهها ههههههههههههههههههه استحت .
( مريم تظرب غيث ع جتفه )
مريم : جب انزين ما استحيت ..
غيث : ههههههههه
يدة مريم : ايه يوزوا عن الريم مارضى عليها فديتها والله .
غيث : انزين انا بعد فديتها والله .. سهيل بسك عاده أغار ترانيه .
سهيل : ههههههههه .. انزين انا ما سويت شي يعلني افداها الريم ..
غيث : ايه لا تفداها .. ( جان يلوي عليها )
علي بن فلاح : حرام عليكم صخوا عنها !! هههه <<< (( ولد عم مريم عنده بي ام 645 Ci اليديد( قرش اليديد) درس فأمريكا سنة وعقب ودر الدراسة هناك وكمل دراسته فالجامعة الأمريكية في دبي .. يشتغل مع غيث في نفس المكان يجنن ماشاء الله عليه .. حنطاوي و مربرب شويه وصدره عريض بس حلو عليه وطويل واحلى شي فيه براطمه خخخخخخ )
( حمد يناظر حمدة وهي مستحية تسوي عمرها هب منتبهه له خخخخ .. <<< ( ولد عمة مريم عنده بورش كايين 2005 ابيض وعليه مخفي .. يشتغل والحمد لله عيونه وساع وشوي نعاسات ورموشه طوال حنطاوي .. الطول متوسط ويشبه خاله سعيد ومريم تشبه خخخخخ و أي حد غريب يتحرونهم خوان !! واحلى شي فيه ظحكته !! و خاطب حمدة ويحبها وتحبه وبس ام حمد ( فاطمة ) وام حمدة ( شيخة ) ومبارك وشوق وآمنه وعذبه هزاع يعرفون بهالشي )
حمد يطالع حمدة : علاوي طالع شو بسوي ..
علي : شو بتسوي ؟
حمد : اقول اماية شحالها حبي ؟؟
علي : هههههه
فاطمة : هذيه جدامك اسألها ..
حمد : اووه ما شفتها خخخ .. شحالج حمدة ؟
فاطمة : يالمنكر ..
حمدة : هههه بخير الحمد لله .. انت شحالك ؟
حمد : بخير يعلج الخير ..
حمدة : تبتسم ..
مبارك : استحت البنية .. هههههههه <<< ( ولد عمة مريم عنده رنج سبورت لونه اسود عليه عاكس .. بعده يدرس فالجامعة الأمريكية في دبي ثالث سنة .. حلو بمعنى الكلمة عيونه سودة ووساع وجسمه ترتــيب لكنه خقاق شوي خخخ .. اسمر والطول مناسب)
( وعقب تموا يسولفون بس مريم وغيث و(علي وحمد)<<< عادي شرات اخوانها يسولفون روحهم )
حمد : ها اختي ..
مريم : ها اخويه ..
علي : هههههه
مريم : غيث شو ها والله سخافة .. ليش جي سهيل يقول جدامهم ؟والله قفط ويهيه بالقووو والله إحرااااااج من الخاطر ..
حمد : بتخبرج مريوم كم مرة قلتي والله الحينه ؟؟ ههههههههههههههههههههههههه
علي : هههههههههههههههههههه
غيث : شو يعني انزين إلا هي سوالف ؟
مريم : لا والله اتخيل عمرك مكانيه جدام هلك جيه يسوي عاده .. وبعدين منو قال انيه موافقه؟
علي : ع شو ؟
مريم : انه يخاذنيه ..
علي : سهيل خاطبنج ؟؟
مريم وهي امبوزة : هيه ..
غيث : ها ولد عمتج كيف تردينه .. ؟؟
حمد : شو بالغصب يعني تاخذه إذا ولد عمتها .. ؟؟
غيث : دخيييلك لا تحرضها ..
حمد : ما حرضتها !! ( ويغمز لمريم )
علي : .................!!!!! ( توه يدري بخطبة مريم )
مريم : هههه
غيث : مريوم سهيل يحبج ويباج ..
مريم : انزين انا ماقلت شي بس يمكن انا احب شخص ثاني واباه هو مب غيره !؟؟
غيث: منو ها بعد الي تحبينه ؟!!
مريم : هاا ! لا لا محد بس انا اقولك مثلا يعني .
غيث : لا ماشي مثلا سهيل يحبج وما يبا حد غيرج ..
مريم : اووه
علي بخبث : مريوووم منو تحبين ؟؟
مريم : محد ..!!
حمد : قولي قولي عادي لا تخافين ..
مريم : ههههههههههههههه ويا راسك اشعنه اخاف ؟؟
حمد : ما تخافين ؟
مريم : لا ما اخاف لأنيه حبيت او أحــب !!
علي : عاشت بنت سعيد ههههههههههههههه
حمد : بخبر عليج ابوج .. هههههههههههههههههههه
مريم : خبره ..
حمد : اوكيه تعرفين شو بقوله .. بقوله انج تحبين سهيل وتبينه بس تستحين تخبرينه هههههههههههههه
مريم : غيثي طالع حمود <<< امبوزة
علي : يالله يالدلع .. <<< يعيبه يوم مريم تدلع خخخخخخخخ
حمد : ههههههههههههههههههههههههههههههه
غيث : حمود يالدب يوز عنها ..
حمد : ماسويت شي ..
مريم : جذااب !!!
حمد : افا انا أجذب ..؟؟!!
مريم بدلع : هــيه
علي : خقاقه ..
غيث : حقها بنت سعيد هذي .. يابوك محد يرمسها ..
حمد : شو محد يرمسها انا برمسها ( ويدز راسها )
مريم : ايييييييييه يالدب ماحب حد جيه يسويليه ... ( وطالعه وهي معصبة )
علي : تستاهلين ..<<< يبا يغايظها
( سارت عنهم وهي حاطة فخاطرها من حمد وعلي .. على فكرة مريم زعوووله رقم 1 ( دقنيه بزعل ) )
غيث : زين جيه زعلتوا البنت ؟؟
حمد : زعلت ؟؟
غيث : هيه
( يلست مريم عند البنات ودمعتها ع خدها وتطالع حمد وعلي .. )
مريم فخاطرها : ليش جيه يسويبي ؟؟
علي : خييييييبه كيف زعووله ؟؟
غيث : عاد انته توك تعرف مريم ..عسب جيه انا ما امزح معاها مزاح ثجييل ..
حمد : انزين إلا هي سوالف .. !!
علي : قم غيث ازقرها بنراضيها ..
( وسار غيث وزخ مريم من إيدها ويابها جدا حمد وعلي بس ماطاعت تيلس انخشت ورا غيث )
علي : يعلنيه افدا هالبوز والله ما كان قصدنا ..
مريم : ...........
حمد : خلاص انتي خبرينا شو نسوي لج عسب نراضيج ؟؟
مريم وهي منزلة راسها : لا تسون شي ..انا مب زعلانة ..
حمد : كيف مب زعلانه وانتي تصيحين .. ؟؟
مريم : ما صحت ..
علي : خلج عنج شفناج ..
حمد : يلا كيف تبينا نراضيج ؟
مريم : خلاص انا مب زعلانة ولا ابى حد يراضينيه ..
علي : يعني هب شالة فخاطرج منا ؟
مريم : ( سكتت وسارت عنهم عند البنات وتمت ساكتة )
مها : بلاج ؟ <<< ( بنت عم مريم وتشبه قوم امها .. عيونها ما شاء الله عليهن سود ووساع .. حلوة وضعيفة شوي .. مع مريم في نفس المدرسة )
مريم : ماشي ..
( حمد وعلي يطالعونها ويسولها حركات يعني يبون يراضونها .. وهي صادتنهم )
غيث : بلاكم انتوا خبال ؟
علي : ياخي والله ماتهون عليه ازعلها ..
غيث : خلاص خلوها هي تنسى بسرعة ..
حمد : كيف يعني ؟
غيث : يعني صخوا عنها وهي بتنسى الي صار ..
علي : فديتها والله انا خلاص يوم بعرس بعق حرمتية بيت عميه سعيد عسب تتوحهم على مريوم ..
حمد : هههههههههههههه .. ليش يعني ؟
علي : اموووت ع دلعها ورمستها ..
غيث : انزين اخطبها مرة وحده اشعنه تتريا عمرك لين ما تعرس ؟؟
علي : لو سهيل ما كان خاطبنها كنت انا باخذها ... بس ماليه بالطيب نصيب ..
غيث : طاعوا ها انتو ؟ جد ترمس انته ؟؟
علي : هيه جد ارمس ..!!
حمد : علوه شو تقول انته ؟
علي : بلاكم انتوا يعني حرام ؟؟؟
غيث : لا هب حرام بس نحن اول مرة نعرف انك حاط عينك ع مريم ؟؟؟!!
حمد : هيه والله ؟؟
علي : ويييييي انتوا مال اول انا من زمان عايبتنيه..
غيث : واشعنه ما خطبتها من ابوها قبل لا سهيل يرمس ..؟؟
علي : انا تونيه انصدمت يوم خبرتنية انها مخطوبة لسهيل وان يحبها !!
حمد : ( يطالع علي وهو مستغرب من كلامه ) يعني لو سهيل ما كان خاطبنها انت كنت بتخطبها ؟
علي : هيه .. ادري انكم مستغربين لأنكم ما تتوقعون انيه احب مريم .. انا ما بغيت حد يدري انيه احبها ... حتى هي ما ابها تدري انيه احبها !!؟؟
غيث : تحبها بعد ؟؟
علي :هيه احبها ...!
حمد : ليش ما تباها تدري انك تحبها ؟؟
علي بزعل : مادري خفت انها ماتبادلنيه الشعور !! ( ويطالعها ) واسبب لها مشاكل .. انته يوم خطبت حمدة شو حسيت ؟
حمد : كيف يعني شو حسيت ؟
علي : يعني ما حسيت انك فرحااااان من الخاطر وتبى تعرس بسرعه ؟؟
حمد : هيه اكيـــد ..
علي : انزين اتخيل لا سمح الله قوم عمتيه شيخة ما وافقوا عليك ؟ شو كنت بتسوي ؟
حمد : بجلب الدنيا فوق راسهم .. حلوة هاي ما يوافقون خخخ
علي : انزين حط نفسك مكانية .. شو كنت بتسوي ؟
حمد : تبا الصراحه كنت بسكت شراتك .. لكني ما بخيب آماليه ..
غيث : الله كريم يا علي .. يمكن سهيل ماله نصيب فمريم ..
علي : ..... ( مظايج )
( وسار غيث عند مريم )
غيث : ريمي بعدج زعلانه ؟
مريم : لا ...
غيث : ملل صح ؟
مريم : هيه .. تدري انك من اول الإجازة ماظهرتنيه ؟؟
غيث : والله على لساني ياي بقولج باجر بظهرج ..
مريم : وين بنسير ؟
غيث : المول ماشي مكان ثاني بعد . والجو ما يساعد عسب نسير البر .
مريم: اوكي.. عقب المغرب بنسير ؟
غيث : هيه .
مريم : بنشل وضاحي وفطيم معانا.. (فاطمة بنت محمد وهي ربيعه مريم من بعد وضحه .. اطول عن مريم وسمرة وشوي دبة لكنها فنانة ..)
غيث : اوكي ..وليش عذبه و مهوي و شواقي وشموه مااين؟
مريم : لأن وضاحي وفطيم ربيعاتيه اعرف انهن بين بس الباقيات متأكدة إنهم ما بين بس بسألهن .
غيث : ليش يعني ؟
مريم : تدري بعد عوافة خاطر فيهن.
غيث : عاملة عمايلها ههههههههههههه
مريم : والله صدق ... هن حليهن يبن اين بس كل وحده تاخذ شور ابوها ولا امها وما يطيعون
غيث : عساهم
مريم : هيه والله عساهم ههههههههههههههههههه .. بس مرات عمي عبيد يخلي مهوي اتي معانا!!
غيث : حشى يعني نحن وين بنسير المقهى ولا الكبريه ؟
مريم : اقولك هاك اليوم نحن رادين سكارى معاك فعسب جيه مايخلونهن يظهرن هههههههههههههههههههههههههههههههههههههه
غيث: الله يغربل بليسج هههههههههههههههههههههههههههههههههههههههههههه.. يعني الحينه بخرب بناتهم لو ظهرن معايه بعلمهم ع الصياعة مثلا .. والله العقل نعمه .. كيف انا عمهم وجيه يفكرون اسوي بهم .. حبيبتي الي مايبانيه برايه وقال لي ما يباك لا تصيح تبغيه وأنا ماليه حاية فيهم أصلا...
مريم : فديتك والله ماحد يروم يقول شي عنك أصلا... أنت الكل يتمناك ..
غيث : احم احم .. وجان استحي ..
مريم : هههههههههه حقك فديتك ( ويسمعها علي )
علي من بعيد : منو قده غيث يتفدونه ..
مريم : ليش انتوا محد يتفداكم ؟ ( وسارت عند حمد وعلي )
حمد : حليلنا نحن ..
مريم : هههههههههه ... عيل هاك اليوم اسمع حمدة تفداك ..هههههههههههه
حمد : قولي والله ..
مريم : والله هههههههههههه
حمد : فديتها والله ..
علي : وانا محد يتفدانيه ؟؟
مريم : انت اممم امك ويدوه بس .. لكن افا عليك انا بتفداك ..
علي : احم احم .. تسلمين ..
غيث : طاع ويهك انته ..
علي : جب جب تغار شو ؟
غيث : يخسي ..
علي : هههههههههههههههههههههه
مريم بدلع : غيث عيب ما يقولون تخسي ..
علي : ياويليه انا .. خليه خليه يغار ما عليج منه .. ههههههههههههههه
غيث : خخخ
والسمووووووووحه منكم زووووووووووود ...
المصدر: موبايلي نت


vhpJJJj pdJJJhjd >>

 

التوقيع :
  رد مع اقتباس